Albisteak

Pello Mari Otaño ikerketa bekaren aurkezpena urriaren 2an izango da, Zizurkilgo Iriarte kultur etxean, 18:00etan. Behin ikerketa bekaren inguruko xehetasunak emanda, eta Kilometroak Astearen barruan, bertso saioa egingo da Zizurkilgo Intxaur frontoian, 19:00etatik aurrera. Amets Arzallus, Maialen Lujanbio, Oihana Iguaran, Haritz Mujika eta Anjel Mari Peñagarikano ariko dira bertsotan. Amaia Agirre izango da saioaren gidaria eta gai jartzailea.

Mendimentroak egitasmoaren bidez, Zubimusu inguratzen duten Amasa-Villabona eta Zizurkilgo txokoei arreta berezia eskaini nahi diegu. Horregatik, aipatu berri ditugun ibilbieak egitera animatu nahi ditugu herritarrak eta eskualdeko biztanleak. Animo horiek sustatu asmoz, ibildea egiten dutenei opari bat emango diegu. Urriaren 4ra arte izango duzue oparia eskuratzeko aukera!

Gaurtik aurrera, dendan egindako 20 euroko erosketa bakoitzagatik Kilometroak jaiko USB bat opari! Etorri dendara eta egin zure erosketa!

Kilometroak dendako udako denboraldiko arropa eta osagarri berrien aurkezpenerako argazki saioa egin dugu Hika txakolindegian. Jarraian ikusi ditzakezue denboraldi berriko arropak eta osagarriak. Argazkiak ikusi

Azken egun eta asteetan bizitzen ari garen egoerak zenbait hausnarketa egitera eraman gaitu, eta mezu honen bidez jakinarazi nahi dugu horrenbeste ilusiorekin eta gogorekin urriaren 4rako prestatzen ari ginen Kilometroak jaia ez dela egingo. Kilometroak jaiaren ordezkoa izango den egitarau xumeago bat prestatzeari ekingo diogu.

Iaz Zarautzen antolatu zen Kilometroak jaiaren testuinguruan, egitasmo berri bat jarri zen martxan: gure inguru eta bazterrak ezagutarazteko mendi-txangoen proposamenak. Aurten ere eutsi diogu erronkari eta adin ezberdinetako haur eta gazteentzako zenbait txango prestatu ditugu. Mendimetroak atalean dituzue eskuragarri. Animatu eta ezagutu Zubimusu ikastola inguratzen duten inguruak!

Gaur ekingo dio denboraldi berriari Gure Zirkua-k, eta Kilometroak haiekin batera egongo da. Uztailean eta abuztuan zehar Orion egongo da kokatuta Gure Zirkua eta Kilometroak jaiko denda ibiltaria ere bertan izango da. Gaur bertan, uztailak 17, izango da lehen emaldia. Gozatu zirkuaz, eta egin zuek ere Korri, Punpa, Ttak!!

Pello Mari Otaño bekak badu proiektu sariduna: Harituz Tolosaldeko Bertsozaleen Elkarguneak aurkeztu duen Aitzondoren zirtotsari proiektua. Aiztondo bailaran izan den zirto tradizioa bildu eta ikertuko dute, eta haren aplikazioa proposatuko dute, Aiztondoko ikastetxeetan landu dadin.

Orriak